يروى اشياء تدوخنى ينسينى المرقص والخطوات .. كلمات تقلب تاريخى .. تجعلنى إمرأة فى لحظات
ياترى يا سها كنت إمراة للحظات قالك ايه وقولتى له ايه مش حتقولنا طيب احنا حنعرف لما نشوف الحلقة وإللى حصل بينكم وحلقة جديدةةمن قسمة على اتنين يارب تعجبكم
نهى على
مسلسل قسمة على إتنين
قصة وسيناريو وحوار / نهى على طه
الحلقة التاسعة عشرة
مشهد (1) ليل داخلى / فيلا بدر الدين / الرسبشن / السلم
الأضواء تعود مجددا سها واقفة فى منتصف السلم وهى فى كامل جمالها وأنوثتها مرتدية ثوب أنيق أبرز جمالها
سها تنظر لمدعوين فى ثقة وجمال وأنوثة وتنظر تجاه على نظرة طويلة بها الكثير والكثير
فريال تنظر لوليد وتبتسم وتغمز بطرف عينيها
وليد يتجه ناحية السلم ويصافح سها ويقبل كفها فى ترحاب ويمسك بكف فريال
على ينظر لسها نظرة إنبهار وسرور خفى وإلى نادين نظرة مرتبكة
على يتقدم بخطوات ثابته تجاه سها ويرفع كفها ويطبع عليه قبلة رقيقة وفى نبرة سرور خفية :
حمد لله على السلامة
سها تنظر لعلى وتبتسم وفى نبرة خفيضة عذبة :
كل سنة وإنت طيب بعض الأصدقاء الأجانب يتقدموا من على
وفى مرح واحد يسأله وعيناه تنظر لسها فى إعجاب حقيقى :
من تكون هذة الملكة المصرية صديقى على ؟
على ينظر لصديقة وفى هدوء ورجولة :
سها زوجتى
صديق أخر فى مرح :
إتنين زوجه يا على ههههه
على يتجاهل عبارة صديقه ويعرف سها بأصدقائه
سها فى نبرة إنجليزية رقيقة :
سعيدة بالتعرف عليكم
سها تبتسم وتؤمىء برأسها وتنسحب فى هدوء وتسير أمام نادين التى كانت على وشك الإنفجار
نادين تحاول الحفاظ على ثباتها وإظهار القوة
نادين تسير ناحية على وتبتسم رغما عنها وتحاول التحدث إلى الأصدقاء
سها تجلس حول طاولة كبيرة بجانب سارة وفريال بعض السيدات المقربات من العائلة
الفرقة الموسيقية تبدأ بعزف مقطوعة هادئة
نادين تنظر على على يبتسم لها ويمد كفه
المدعوين يصفقوا
نادين وعلى يفتتحا الرقصة الدافئة
نادين تقترب من على وتعانقه فى حب زائد
وليد يمد كفه لفريال فتنهض وترقص معه
سارة ترقص مع واحد من أصدقاء على
صديق من أصدقاء على يمد كفه لسها
سها تنظر إليه وتعتذر بلطف
سها تنظر لعلى ونادين وشعور الغيرة المدمر واضحا على وجهها
سحابة الدموع تعبر مقلتى سها لكنها تحاول إخفاؤها
نادين تزيد من حالة الهيام المفتعله والرومانسية الأخاذة مع على
على يحاول أن يبقى متزنا وينظر لنادين فى فهم قوى
المقطوعة تنتهى على يحتضن نادين
نادين تنظر إليه وتلتصق به بل تمسك كفه وتتشابك وتسير معه ناحية الطاولة الجالسة عليها سها
سها تحاول إبعاد نظرها عنهما ونادين تأكل على الجاتو بالشوكه
سها تنظر ناحية المدعوين وفريال ووليد وهما يرقصا على أغانى المطربين ومعهما سارة ومجموعة من الشباب والرجال والنساء
سها تنهض وتترك المكان كله
ــــــــــــ قطع ـــــــــــــ
مشهد (2) ليل خارجى / الجنينة
سها تسير بمفردها فى الجنينة تحاول كبت عبراتها
سها محدثة نفسها فى تأنيب وندم :
كفايا لحد كدا يا سها حتعملى إيه أكتر من إللى إنتى عاملاه وهو مش شايفك مبقاش حاسك ولا عارفك إنسيه وريحى روحك
سها فى صوت مقهور :
بقالى سنين وسنين بحاول أنسى ولا عرفت ولا قدرت معقولة يا على ظلمك ليا لحد كدا إنت إيه جماد مبتحسش على العموم هانت إستاذ عامر سافر وشهرين يعدوا إن شاء الله وبعدها كل واحد من طريق
سارة تقطع حوار سها وفى نبرة هادئة :
سها
سها تنتبه لسارة وفى نبرة حاولت أن تكون عادية :
نعم ياسارة
سارة فى نبرة حانية :
أنا حاسه بيكى ومش حدافع عن على
سها فى نبرة مختنقة :
من فضلك يا ساره مش عاوزة أتكلم هو حر
سارة فى هدوء :
طب نتكلم بعدين تعالى نقعد جوا لأن الحفلة قربت تخلص خلاص ولازم تبقى موجودة عشان الناس تسلم عليكى برضوا الشكل العام
سها تهز رأسها وتسير مع سارة
ـــــــــــــ قطع ـــــــــــــــ
مشهد (4) فيلا بدر الدين / ليل داخلى / ركن من أركان الحفلة
وليد واقفا مع فريال ينظر إليها فى جدية وفى تساؤل :
ها قولتى إيه ؟
فريال تطلق تنهيدة قوية وتهز رأسها فى إقتناع
فريال فى نبرة إتفاق :
بس شرطى قولتله
وليد يهز رأسه وفى هدوء :
موافق أنا زيك بالظبط حاجة تانية :
فريال تضحك وفى مزاح :
ولا تانية ولا تالته ولا رابعة أه الشرط نور يا أخويا أنا زى الفريك محبش شريك أه
وليد يضحك وينظر ناحية سها التى دخلت وجلست مكانها
وليد ضاحكا :
بمناسبة الشريك والله أخويا دا أعمى النظر والقلب كمان
فريال فى نبرة تهكم وضيق :
خليه مع السنيوره نادين ربنا يعينك يا سها تعالى نقعد ولا نطفح أى حاجة من هنا
وليد فى حماس :
حطفحك أحلى طفح يا موزة يالا
ـــــــــــــ قطع ـــــــــــــــ
مشهد (5) ليل داخلى / فيلا بدر الدين / الرسبشن / الطاولة الجالسة عليها سها
على ينظر لنادين ويبتسم فى هدوء وينظر ناحية سها بنظرة غامضة
على ينهض ويلتقط نفسا عميقا ويتجه ناحية الفرقة الموسيقيه يدنو على أذن قائد الفرقة
الرجل يبتسم ويهز رأسه
الفرقة تعزف مقطوعة موسيقيه دافئة على يبتسم
نادين تداعب شعرها بأناملها فى غرور وثقة وتنظر ناحية على وتبتسم
على يتجه ناحية الطاولة ويمد كفه لسها
سها تنظر لعلى فى عدم تصديق …. على يبتسم إبتسامة حلوة كلها جاذبية ورجولة
نادين يصفر وجهها غير مصدقة … سارة تضحك فى سرور
سها تنهض مع على برفق وتسير
فريال تطلق صفير إستحسان عالى وكذلك وليد ويصفقا فى حراره
المدعوين يصفقوا فى إعجاب
على يضع يده حول خصر سها ويحتضن كفها وينظر إلى عينيها نظرة طويلة
على فى حنين قوى ورومانسية تصرخ أولى صرخاتها فى دنيا الغرام
على يتأمل سها وكأنه يراها لأول مرة
سها تنظر لعلى فى حب كبير وفرحة شقت بحار العذاب لتصل إليه
ولمعة الدموع ولكنها دموع الحب فى عينيها
على ينسى مع الموسيقى كل شىء يراقصها ويستدير بها وهى تدور معه كالأميرة العاشقة
فى نشوة
فريال تصفق بقوة وسارة بجانبها ووليد وأغلبيه المدعوين يقفوا ليشاهدوا على وسها
نادين تذرف دموع الغيرة رغما عنها لأول مرة
ــــــــــــــ قطع ــــــــــــــــــ
مشهد (6) ليل داخلى / فيلا بدر الدين / حجرة نوم سها
سها تدخل الحجرة وعلى ملامحها النشوة والهيام
سها تستدير بمفردها داخل الحجرة والضحك والدموع فى أن واحد
سها تتجه ناحية المرأة وتنظر فيها فى جمال وتأمل
سها تخلع مشبك شعرها الماسى وتتركه ينهمر والدموع والضحكات على وجهها
سها تقترب من المرأة وتقبلها فى نشوة وتلقى بنفسها على السرير فى شقاوة الأطفال وأنوثة عاشقة
ـــــــــــــــ قطع ــــــــــــــ
مشهد (7) ليل داخلى / فيلا بدر الدين / حجرة نوم نادين وعلى
على واقفا أمام نادين وعلامات الغضب على وجهه
نادين فى إنفعال شديد وغيرة :
إنت مشفتش نفسك كنت بتبص للهانم إزاى ولاكأنى كنت موجودة
على فى نبرة بدت مضطربة :
إنتى إللى بتوهمى حاجات مالهاش أساس من الصحة كان لازم أعمل كدا لأنها قدام الناس مراتى زيها زيك
نادين ترفع سبابتها وفى ثورة وعصبية :
متقولش مراتك دى تانى
على فى عناد ودفاع :
لأ مراتى قدام الناس هى حرم على بدر الدين والناس متعرفش الداخل لينا إيه وهى زى ما بتحافظ على صورتى قدام الناس حقها على أراعى شعورها وكرامتها قدام الناس
نادين تبكى رغما عنها وفى قهر :
وشعورى أنا ميهمكش أنا كنت فى صدمة وإنت بترقص معاها
على الوضع دا مهين لينا كلنا نسيب البيت ونسكن أنا وإنت فى مكان قريب من هنا مش عاوزة أشوفها معاى طالما إنت مش قادر ترجعها شقة أخوك
على ينظر لنادين وفى إرتباك وإضطراب :
عاوزانا نسيب البيت
على بالإنجليزية مستحيل إنتى ناسية إن كلهم هنا ستات لوحدهم يعنى أنا المسئول
نادين فى غضب :
أخوك موجود
على يبتسم ساخرا :
وليد من إمتى كان مسئول عن أى حد يا نادين
وليد عايش لنفسه وبعدين مش إنتى إللى قعدتى تقنعينى بالموافقة على الجواز إيه إللى جرى
نادين فى مرارة وغيرة :
ماكنتش فاكرة حيبقى الوضع مهين وسخيف كدا الهانم بتحبك يا دكتور أنا أنثى وأفهم الأنثى إللى زيا بتحبك وبتحاول بشتى الطرق تشدك ليها
على يقترب من نادين ويضع كفيه على كتفيها وفى نبرة حنان وحب :
وأنا مشدود لمين … بحب مين … بحبك إنتى نادين
نادين تذرف الدموع الحارقة على يمد أنامله ويمسح بأنامله وجهها و…….
على يسمع طرقات كبيرة على الباب
على يتجه ناحية الباب ويجد سارة فى حالة ذعر :
على فى خوف :
فى إيه ؟
سارة بنبرة مذعورة :
إلحقنى يا على
مامى تعبانه جدا وعاوزاك يا على
على فى خوف :
ماما
على يخرج من الحجرة ومن خلفه نادين والقلق عليهم جميعا
ـــــــــــ قطع ــــــــــــ
إلى اللقاء فى الحلقة القادمة إن شاء الله
يتبع ………..
